Все новости
24.04.2019Образование

Вынікі дзяржаўнага экзамену ў выдаўцоў


Які ён сучасны выдавецка-паліграфічны комплекс Рэспублікі Беларусь? Што павінен ведаць рэдактар пра аўтарскае права? Якія бываюць псіхалагічныя тыпы аўтараў і як з імі працаваць рэдактару? Ад чаго залежаць дызайн і канструяванне выдання? Як ажыццявіць эфектыўную рэкламную кампанію выдавецкага праекта?..
На ўсе гэтыя і шмат іншых пытанняў давялося адказваць студэнтам-выпускнікам факультэта ПіМ спецыяльнасці “выдавецкая справа” падчас Дзяржаўнага экзамену па спецыяльнасці, які адбыўся з 17 па 19 красавіка 2019 г. А выпускнікам завочнага факультэта – 23 красавіка. Ацэньвалі веды будучых маладых спецыялістаў, сттаршыня камісіі галоўны рэдактар “Настаўніцкай газеты” Вадзім Кнышаў, загадчык каф. РВТ Уладзімір Куліковіч, дацэнт кафедры РВТ Вольга Токар. Па выніках іспыту сярэдні бал выпускнікоў – 8,3.

 
Экзамен на стацыянары адбыўся напярэдадні канчатковага размеркавання, якое прайшло на факультэце 22 красавіка 2019 г. Як адзначыла дэкан факультэта ПіМ Таццяна Далгова:
 – Сёлета, як і ў папярэднія гады, усе студэнты-бюджэтнікі мелі магчымасць выбіраць з прапанаваных ім месцаў будучай працы. На жаль, мы не змаглі задаволіць усе заяўкі працадаўцаў. А таму хочацца яшчэ раз нагадаць тым, каму патрэбны спецыялісты з кваліфікацыяй «рэдактар-тэхнолаг», плануйце сустрэчы з імі, супрацоўнікамі кафедры рэдакцыйна-выдавецкіх тэхналогій загадзя. Як мінімум за паўгода да размеркавання, якое стартуе ў нас штогод у сакавіку.



Автор: Пресс-служба Google+
Просмотры: 180