З 17 па 21 лютага ў БДТУ прайшоў Тыдзень роднай мовы.

На ініцыятыву кафедры беларускай філалогіі (факультэт ПіМ) адгукнуліся студэнты розных факультэтаў.

Актыўная і неабыякавая моладзь прыняла ўдзел у конкурсе чытальнікаў вершаў “Гучы, роднае слова!”.

Студэнты, якія навучаюцца на факультэте ПіМ (1 і 2 курс спецыяльнасць “Выдавецкая справа”) далучыліся да конкурсу насценных газет і плакатаў, прысвечаных Міжнароднаму дню роднай мовы.

На першым курсе ХТІТ прайшла літаратурная імпрэза, дзе гучалі любімыя  вершы беларускіх пісьменнікаў, а замежныя магістранты чыталі вершы на сваіх родных мовах.

Экспазіцыя кафедры беларускай філалогіі папоўнілася і студэнцкімі ілюстрацыямі, падрыхтаванымі на конкурс “Маё любімае беларускае слова”.